Motivation

Bella Ciao - “olin o” - By jan Watemalaki

Toki Pona Cover

suno li kama. mi weka lape.

The sun arose. I awoke.

olin mi o, olin o, mi tawa a a.

My love, O love, goodbye.

suno li kama. mi weka lape

The sun arose. I awoke

li lukin e utala.

And I saw the war.

jan utala o tawa e mi a.

Warriors, carry me.

olin mi o, olin o, mi tawa a a.

My love, O love, goodbye.

jan utala o tawa e mi a.

Warriors, carry me.

tan ni: mi kama moli.

For death is coming.

mi kama moli lon utala la,

If I die in the war,

olin mi o, olin o, mi tawa a a.

My love, O love, goodbye.

mi kama moli lon utala la,

If I die in the war,

o anpa e mi lon ni.

please bury me here.

o anpa e mi lon sewi nena.

Bury me atop a mountain.

olin mi o, olin o, mi tawa a a.

My love, O love, goodbye.

o anpa e mi lon sewi nena,

Bury me atop a mountain,

lon anpa pi kasi kule.

under a colorful flower.

poka ona la jan li tawa a.

People will walk near it.

olin mi o, olin o, mi tawa a a.

My love, O love, goodbye.

poka ona la jan li tawa a

People will walk near it

li toki e ni: 「suwi a!」

and say “How beautiful!”

kasi ni li tawa jan utala.

This flower is for the warrior.

olin mi o, olin o, mi tawa a a.

My love, O love, goodbye.

kasi ni li tawa jan utala.

This flower is for the warrior.

moli ona li tawa ken.

His death was for freedom.