Hallo miteinand

Bin aktuell sehr unsicher was ich mache sött. Hän im Summer mini Lehr als Informatiker Plattformentwicklung mit BM abgschlosse und bin aktuell dra Passarelle mache da ich ade ETH Informatik studiere möcht.

Jedoch ghör ich immer wieder das mer lieber nöd ah de ETH studiere sött und mer doch lieber es FH Studium mache sött und währenddesse arbeite. Erst recht weil es anscheinend ja zu viel Akademiker gibt, mit KI vieli Arbeitsstelle ide IT ah Wert verlüred und somit vermehrt meh lüt mit arbeitserfahrig gsuecht wird.

Mis Ziel isch es brueflich bi Grösseri IT Dienstleistigsfirme im ML und oder Cybersecurity Bereich zschaffe. (Aktuell würd ich gern Jobs wie Forward Deployed Engineer, AI Plattform Engineer, AI Security Engineer schaffe aber mal luege was es denn für neui Jobs in 4 Jahr gibt)

Erst recht um im ML Bereich bi eh Top Firma ihstiege gsehn ich ETH weiter vorne als eh FH. Aber FH würd mer erlaube während mis Studium 60% im IT Bereich schaffe während ich min Bachelor mach und hän nacher damit natürlich dütlich meh arbeitserfahrig.

Ich glaub es macht nur Sinn ah de FH Teilzeit de Bachelor mache wenn ich eh IT stell genau in dem Bereich find und somit relevanti Arbeitserfahrig sammle Chan. Weil ich nimm ah die arbeitserfahrig als System Engineer, DevOps etc. Isch jetzt nöd das beste um in dene Bereich ihstiege chönne. Aber ohni de Bachelor isch natürlich schwer Jobs in dene Bereich zfinde :)

Wie gsehnt ihr es?
Was sött ich mache und unter Welli Konditione?

Edit: Langfristig isch mis Ziel natürlich ah de Top stelle zcho und darunter ghöret natürlich au führigspositione. Usserdem wött ich mer au Möglichkeit offen halte bi de top Tech Firme ihstiege chönne.

Hoi zäme

Alles wird tüürer. Was mached ihr nebedbi, wo am Schluss würkli es bitzli Geld übrig bliibt? Au wenns im Schnitt nume es paar Franke pro Tag sind.

Bi offe für öppis Einmaligs oder au en chline Nebenjob. Eifach öppis, wo mer es bitzli meh Puffer git und hilft, öppis uf d Siite z legge.

Was het sich für euch glohnt, und was isch eher Ziitverschwendig gsi?

Danke

--
für mich:

glohnt:
- ImprovArena, geld fürs Plaudere
- Coople, Teilziitjobs, aber guet
- Tutti, Secondhand-Sache verchaufe

Ziitverschwendig:
- Tutor24, Zahlt fascht nüt
- Petsitting24, Kei Chunde gfunde

Folgendi Situation
Ich schaffe im Legal vo em KMU. Je länger je meh merk ich, dass ich gwüssi Task komplett vo KI chan erledige la.
Jetzt mini Idee: 1-2 wucheendi zit investiere ob ich das würrklich chan mit KI automatisiere, Gmbh gründe und de dienst selber abüte.
Da ich ned vo dere idee möcht finanziell abhänig si, würd ich am astelligs verhältnis bliebe (also das KMU), also wird ich gmbh über en treuhändler oder en fründ laufe la (so dass ich ned im Handelsregister bin).
Hät öpper e ähnlichi situation duregmacht oder vo em kolleg mitbecho wo das au gmacht hät.

Ich weiss dass es ned korrekt isch, vermuetlich au rechtlich ned korrekt; aber das isch mir glich.

Ich chan also entscheide zwüsched 2.- uufpriis oder mis päckli landet im Strossegrabe... Sie verwiised no druf, dass sie für nüt haftet.

Hoi zäme 😊
Ich mache aktuell d Wiiterbildig zur dipl. Pflegefachfrau HF mit Fachrichtung Akut und werde voraussichtlich nächsts Jahr fertig. Vor de Wiiterbildig han ich bereits 5 Jahr als FaGe i de Langziitpflege (Altersheim) gschaffet.
Mich würd interessiere, mit was für eme Iistiegslohn ich nach em Diplom cha rechne und wie ich mich bi de Lohnverhandlig am beschte chan vorbereite. Ich möcht natürlich nöd under Wert bezahlt werde und mini bisherigi Berufserfahrig als FaGe möglichst guet i d Verhandlig iibringe.
Zum Thema Lohn:
Was verdienet ihr als dipl. Pflegefachfrau HF?
Wird d bisherigi Erfahrig als FaGe bi de Lohnfestlegig berücksichtigt?
Was für en Iistiegslohn isch nach em HF-Diplom realistisch?
Händ ihr Tipps für d Lohnverhandlig, vor allem wenn mer intern bim gliiche Arbeitgeber bliibt?
Zum Thema Karriere und Wiiterbildig:
Ich möcht mich nach em Diplom gern wiiterentwickle, aber nöd unbedingt de klassische Weg i de Pflege einschlah. Mich interessiered au anderi Bereich wie zum Biispiel Management, Qualitätsmanagement, Case Management, Bildung, Projektmanagement oder anderi Fachrichtige.
Was für Möglichkeite händ sich euch mit em HF-Diplom eröffnet? Hät öpper vo euch de Bereich gwechslet oder e Wiiterbildig gmacht, wo nöd direkt i Richtung Pflege gange isch?
Ich würd mich mega freue, wenn ihr eui Erfahrige teiled und mir Tipps gebed – sowohl zum Lohn wie au zu mögliche Karrierewege. 😊
Vielen Dank scho jetzt! 🙏